Na imaxe, o peirao de Viveiro nos primeiros anos do século XX. Foto: Arquivo Carlos Nuevo
CANDO O MAR DEU A LUZ EN VIVEIRO
En 1870 un iate
francés que se achegou á ría trouxo o efecto “máxico” da luz eléctrica
Moito antes de que
se levasen a cabo as primeiras iniciativas empresariais relacionadas coa
instalación da electricidade nas principais cidades e vilas de Galiza, os nosos
antepasados puideron contemplar e
visualizar, por vez primeira, os efectos máxicos que producía a luz eléctrica
na profunda escuridade da noite do día 1 de marzo de 1870.
O milagre que superaba tan só por uns instantes
os trémulos resplandores dos lumes das lareiras, das velas esteáricas, dos
candís, das lámpadas de aceite, dos
quinqués e da iluminación pública
producida polos vellos farois de gas ou petróleo, que substituíran dende a súa
instalación en 1849 aos antigos fachucos de palla, causantes de tantos
problemas como os grandes incendios acontecidos na vila en 1381 e 1540, foi
posible grazas a presenza na nosa ría do iate francés Prince Geróme.
O navío, un espectacular vapor, do emperador
francés Carlos Luís Napoleón Bonaparte (Napoleón III), procedía de Boulogne e
fixo escala na Concha de Covas por seguridade e para proverse de víveres antes
de dirixirse a Toulon onde recollería ao príncipe para trasladalo á India,
nunha viaxe de pracer.
Unha vez máis,
semellaba que as novidades viñan sempre de París, considerada naqueles tempos a
Meca artística e cultural europea que dominaba os gustos estéticos e as modas
daqueles requintados anos de fin de siècle. Neste caso, a luz eléctrica, mesmo rivalizaba
coa do astro rei, segundo contaba a crónica que tamén resaltaba a elegancia decorativa
do iate-vapor e maila tradicional galantería dos mariños franceses.
Mais, dada a curiosidade
da nova redactada polo correspondente en
Viveiro do períódico El Imparcial de
Madrid, á súa vez recollida tamén nas columnas do xornal murciano La Paz do día 10 de marzo do ano 1870,
consideramos de sumo interese reproducila integramente:
“Anteayer 1ª llegó á
este puerto el yath francés Prince Geróme hermoso buque de vapor
particular del príncipe Napoleón, cuyo buque, de la ría de Vares á donde había
arribado, se trasladó á esta por no considerarse muy seguro en la primera.
Viene de Boulogne y se dirige á Toulon, donde, según suponen, recogerá á su
bordo al príncipe, encaminándose desde allí con él por el canal de Suez á la
India, cuyo país se dispone á visitar.
Con motivo de su
corta estancia aquí, la proverbial galantería francesa se ha manifestado una
vez más, dando á los habitantes de este pueblo un espectáculo tan nuevo para
ellos como hermoso y agradable. La noche de su llegada el aparato de luz
eléctrica que trae el vapor iluminó la ría, atrayendo al puente que la cruza y
á los balcones de las casas vecinas al mar un sin número de curiosos que
contemplaban con admiración la viva claridad, rival de la del sol, que
partiendo del buque fondeado en la lejana Concha iluminaba el mar, las
embarcaciones, las casas, los campos, y se estendía hasta las lejanas montañas.
La profunda oscuridad de la noche dábale mayor realce, y la luz girando bañaba
tan pronto este puerto como los de Cillero y San Juan, que forman un triángulo
con Vivero. Por su parte los franceses desde el yath distinguían perfectamente,
según después dijeron, la multitud de curiosos que se había agolpado á gozar
del espectáculo debido á su obsequiosa cortesía. Algunos cohetes de bengalas
disparados desde abordo pusieron el colmo á la amenidad de la escena y
terminaron esta espontánea y galante demostración.
Al día siguiente
varias personas del pueblo fueron á visitar el buque, que es magnífico, y en el
que fueron perfectamente recibidos, franqueándoseles todos los departamentos.
Visitaron las cámaras del príncipe y la princesa, la de las damas de honor,
salón, etc., admirando la hermosura y buen gusto, unida á la elegante sencillez
que domina en estas habitaciones, en las que se advierte el discreto tino que
ha presidido á su ornato, evitando los régios esplendores, sin desposeerlas de
la verdadera y artística elegancia.
Complacidísimos
salieron del yath los que le visitaron, y en este pueblo quedará un agradable
recuerdo de la característica urbanidad de los hijos de la nacion vecina, con
la breve estancia del Prince Geróme,
que ayer se hizo a la mar después de tomar algunos víveres”.
Malia as grandes sensacións que deixou na memoria colectiva dos viveireses a visita
do Prince Geróme ademais do galante trato recibido dos seus tripulantes, aínda
terían que pasar máis de dúas décadas para ver cumprido o soño da instalación
da luz eléctrica en Viveiro; esta chegaría por fin en 1897 da man da sociedade
comanditaria Barro y Compañía, constituída
polos socios José Barro, Domingo Franco e Ángel Durán, pero isa xa é outra
historia…
Carlos Nuevo Cal Cronista Oficial
de Viveiro
Comentarios
Publicar un comentario